Зоран Златковски, претставник на ВЕЗ Трејд, присуствуваше на Валоризациската конференција за 2024 година организирана од Националната агенција за европски образовни програми и мобилност, која се одржа во х. Александар Палас во Скопје.
На конференцијата беа презентирани најуспешните проекти и најдобрите практики од програмата Еразмус+, опфаќајќи ги сите клучни акции. Присутните имаа можност да се запознаат со резултатите и импактот од проектите, кои служат како примери за успешна имплементација на европските образовни иницијативи.
Настанот изобилуваше со креативност и иновативност, што создаде инспиративна атмосфера и го поттикна дијалогот за понатамошно унапредување на образовниот систем. Акцент беше ставен на значењето на соработката меѓу различните засегнати страни, како и на улогата на програмата Еразмус+ во поддршката на мобилноста, иновациите и интернационализацијата на образованието.
Учеството на ВЕЗ Трејд на оваа конференција дополнително ја зајакна нивната заложба за промоција на претприемачкото образование и спроведување на квалитетни образовни проекти со кои се поттикнуваат младите да постигнуваат позначајни резултати.